方叔叔重慶老火鍋 (如心廣場一期)

营业中

休息中

今日我嚟到位于荃湾如心广场嘅方叔叔重庆火锅分店食饭，最近佢哋呢就做紧菜单嘅降价，唔少食物都平咗，同埋仲有免加一服务费添，听讲佢哋用嘅汤底系唔会落香精嘅。嫩牛肉，呢个牛肉入口非常之嫩滑，切得仲比较厚添，非常之有咬口。美国桶蚝，桶蚝嘅份量都比平时自己响超市买到嘅大，入口又好香嘅好香，仲非常之鲜甜添。虾滑，入口有浓郁嘅虾肉香味，仲非常之弹牙。乌冬，乌冬嘅份量都唔少，啱晒两个人一齐食，入口非常之弹牙，吸收咗汤汁嘅精华，真系好好味呀。红糖糍粑，啱啱新鲜炸起，外脆内软。食嘅时候要小心，入边嘅红糖可能会好热。牛舌，牛舌入口有香浓嘅牛肉香味，仲有油脂香，真系几好味。整体嚟讲，我觉得今餐嘅食物质素都唔错，唔少食物都几有特色，加埋最近又做紧特价，真系好吸引呀。