影片
更多
2015-08-31
409 浏览
虽然系地图望落去餐厅好似离地铁站有啲距离，但原来五分钟真系可以行到去！可是帮衬嘅日子落滂沱大雨，几经辛苦先去到餐厅。食物嘅选择唔多，但最紧要系贵精不贵多！完全冇谂过＄58嘅意粉会有餐汤跟，虽然系好普通嘅西兰花忌廉汤，但绝对唔马虎，都算几creamy.个长通粉比我想像中突出，个酱调得好惹味，浓烈嘅番茄味之中带少少辣，十分开胃。个all day breakfast 超级丰富，已经冇叫最夸张𠮶个款式，但依然有好多款食物，仲要好多都系打孖上，份量超级足够！个薯饼同香肠尤其出色好味，蛋亦都炒得几嫩滑。唯一不足嘅系个汉堡扒，太过干。个士多啤梨酱搽面包一流。当然不得不提依度嘅招牌沙冰，就咁睇个样就好吸引。热情果嘅味道淡淡地，感觉好舒服，而且份量几多，可以饮足一餐。环境舒适，唔会太嘈，仲要星期一至日嘅dinner都有得book位，应该好快会再嚟帮衬啦！
完全冇谂过＄58嘅意粉会有餐汤跟，虽然系好普通嘅西兰花忌廉汤，但绝对唔马虎，都算几creamy.
个长通粉比我想像中突出，个酱调得好惹味，浓烈嘅番茄味之中带少少辣，十分开胃。
个all day breakfast 超级丰富，已经冇叫最夸张𠮶个款式，但依然有好多款食物，仲要好多都系打孖上，份量超级足够！个薯饼同香肠尤其出色好味，蛋亦都炒得几嫩滑。唯一不足嘅系个汉堡扒，太过干。个士多啤梨酱搽面包一流。
当然不得不提依度嘅招牌沙冰，就咁睇个样就好吸引。热情果嘅味道淡淡地，感觉好舒服，而且份量几多，可以饮足一餐。
环境舒适，唔会太嘈，仲要星期一至日嘅dinner都有得book位，应该好快会再嚟帮衬啦！
张贴
