小喇咩 (已結業)

好可爱嘅一个名字，喺门口见到呢间餐厅叫做小喇咩，我谂大家都会联想到我讲紧啲乜嘢。点解会觉得好搞笑，原来呢一间系一间法，日，越嘅餐厅，但系佢入边都会有啲法式嘅小食同埋西式嘅嘢食嘅。先来一杯青柠梳打消一消暑，呢度嘅青柠梳打比较特别嘅就系佢加咗薄荷叶 ，所以饮起嚟𠮶种味道会更加清新。今日就叫咗个越式嘅小食拼盘，唔好以为小食拼盘就唔会食得饱，因为佢呢一个系一个非常之大嘅小食拼盘，入边有单骨炸鸡翼，有鱼饼，有札肉同埋吉列炸虾。 仲有我最钟意嘅檬粉，你冇听错系小食拼盘，入边会有埋个檬粉。而且仲会有埋捞檬嘅汁，有萝卜丝，青瓜丝。钟意嘅可以就咁将啲檬粉食咗佢，如果唔系嘅话呢就将啲菜包啲青瓜丝，萝卜丝，再包住炸鱼饼一齐食，可以解油腻之外个味道都几好㗎。