和牛燒肉一郎 (寶漢大廈) (已結業)

朋友介绍的试下呢间烧肉放题，人大左都少左食放题。但见到佢有一份比较高质的肉，虽然是定量，但贵精不贵多。当晚点左既系 course D 包左四款黑毛和牛海鲜，每位系一头盘会有一客原块日本A4和牛，同海鲜拼盘，有原只鱿鱼，大虾和青口。另外仲有一盘4款既黑毛和牛。肉质相当高级，雪花纹理漂亮。呢到系一次性定量的。店员会过反帮手烧A4和牛，要以防我地烧坏左块靓肉。食完定量既部分，仲可以任食特选生牛 (AUS)12 款•特选牛(US)12 款•精选牛(US)3 款•牛肉刺身、生牛肉寿司、名物、日本豚、鸡肉、海鲜 、野菜 ，等等。好多熟食，海鲜，同肉类可以点的。个人比较喜欢食日式小食，包括佢既炸虾，广岛蚝，明太子薯仔沙律，同鸡泡鱼干。海鲜好新鲜元贝大大粒，牛油开边虾爽口弹牙。酱渍牛隔膜带有腌料十分香口，肉质软熟。另外饮品都有好多选择，餐厅调制多款美人茶，用咗唔同嘅蔬果配搭，达致不同养生效果。最后甜品就有好多款唔同嘅日本牌子雪糕多数喺明治同埋井村屋。五放题嚟讲$480左右食到高质A4、黑毛和牛同埋好多新鲜嘅海鲜小食。认真抵。