饕鍋物 (已結業)

寻日见到网上有媒体介绍呢度既午市套餐，今日就即刻同朋友走左去试，点知...好失望...入到去坐低，午市menu都无人比我地，要去隔离台自己拎，都算。睇番媒体介绍，呢度既午市套餐应该有前菜+主菜+主食，而睇番Openrice四日前既餐牌相片亦都系咁写，但我地今日去到，张餐牌同一个价钱，但前菜就无左，咁系咪即是设计张餐牌比媒体介绍晒之后，就换另一张餐牌比食客？我地就揾个员工问，点知佢话餐牌3日前已经换左，仲黑口黑面咁。到我地想落单，问下员工咩系苍蝇头，佢答完就自己走左，连单都无帮我地落，真系未食就已经一肚气！落单后，等左接近20分钟先有食物，食物唔太够热，炸排骨比摊水浸住咁，个皮淋晒，盐酥鸡都淋淋地，而担仔面系淡到要系咁加辣酱（全餐个辣酱最好食），珍珠奶茶仲夸张，个饮筒同个杯一样高，好似要成块面塞入去个杯饮咁。期间都有位小姐问番我地意见，不过唔知系咪意见接受态度照旧。Anyway, 之后都唔会帮衬。