津津食店 (已結業)

早排大乡里第一次入梅窝，本身想像自己会好chill地食pizza饮啤酒，点知作为蕃茄爱好者嘅我，一见梅窝呢间食店嘅招牌有啲蕃茄元素，就即刻果断转plan！😹鲜茄牛腩汤檬 $58真心觉得好好味！明明只系好简单嘅材料，但食得出店家的确用左真材实料同心思去煮。首先汤底好清甜，牛腩不但份量多，而且又腍又入味！唔似有啲餐厅系menu度标榜鲜茄，但食落会好明显食到好多额外调味料嘅味道(;｡□｡;)汤檬会配有青檬另上，店员千叮万嘱我同朋友一定要吱落去一齐食😹原本仲惊会怪怪的，点知加完又真系清爽好味左！(*´◡`)另外佢杯冻奶茶都好饮！不过就会贵少少，因为唔系跟餐的。其实最受欢迎嘅应该系佢星期日限定嘅蟹茄汤檬，不过我去个日唔系星期日，注定同佢无缘喇。好彩我个人其实唔特别中意食蟹，所以佢碗牛腩汤檬已经令我好满足了，有机会再去都好想encore！当日大部份食客好似都系梅窝居民，佢地嗌嘅亦都唔系汤檬，而系其他茶餐厅菜式，所以我估呢间食店嘅质素系梅窝黎讲应该真系数一数二！假日谂唔到去边，不妨入去梅窝食碗面，散吓步。