滿屋廚房

营业中

休息中

寻日同小朋友去左满屋厨房食野去到门口佢地已经比出面嘅公仔吸引🤩入到去啲位置都几宽敞 唔会话好迫所以坐得好舒服😂坐低就叫左两个儿童餐 一个A一个C再叫左个午餐印度咖哩鸡饭同期间限定嘅咸蛋黄套餐两个儿童餐份量好足 唔会食唔饱👏🏻个紫薯薯饼好好食 好脆 又唔会好甜 我个细仔食左成一个半😂食埋哥哥𠮶份意粉同饭都唔会好重味 好岩小朋友食 两个仔清晒啲意粉🍝午餐嘅咖哩鸡饭老公都清晒 话食到劲饱🤣另外个南瓜汤都比两个仔分晒😂好彩一开头饮左两啖姐 另外叫左杯海盐芝士四季春 茶味好清香 加埋芝士奶盖好衬 岩晒减紧肥嘅我🤭我个人几钟意饮重点要讲系个咸蛋黄套餐 佢个咸蛋黄鸡蛋仔整得好脆 好好食 唔会好甜 我自己一个食左一大半🤣今日最惊喜系佢杯野饮 我同老公都觉得好好饮 咸蛋黄味同啲野饮原来好夹 好香😋最后几啖比老公抢晒 老公仲话呢个餐抵 因为出面食个鸡蛋仔都廿几蚊 有馅嘅仲贵啲 再加埋呢杯野饮 佢话超值🤭食饱饱问返小朋友 佢地都话啲野好食 下次会再黎过👍🏻