蠔站 (將軍澳中心) (已結業)

今日路经将军澳，谂紧食咩，谂起好耐无食过蚝，上网见附近就是蚝站的分店，于是就walk-in 试吓，点知就比佢地嘅专业吓亲。话说去到门口，见佢地有个优惠$199食八款唔同产地嘅生蚝，仲有一杯白酒送，于是二话不说就叫左两set, 等左一阵，个女侍应就送生蚝过嚟，佢连埋张入单纸就咁就放低，介绍都无介绍，话明八款唔同嘅蚝，咁梗系想知产地来源啦，想知食左啲咩都好正常啫，于是问吓佢介绍一下咩蚝打咩蚝啦，佢竟然答唔出，我真系O晒咀，点解专业做生蚝都答唔到客人基本嘅野呢，咁你学咩人做生蚝生意呢？我平时去外面买外卖生蚝，人地都答得我劲详细，味道口感系如何，产地来源十分清晰，估唔到一间专门做生蚝的餐厅系解答唔到客人生蚝上的问题。最后连送果杯酒都忘记要提佢先上（我系眼见隔离枱迟过我都上左我先问）本来谂住影相的，但我根本食左咩蚝落肚我都唔知，所以无心情影了，今次体验真系几深刻仲十分搞笑。