大橋頭餐廳

营业中

休息中

大桥头餐厅68蚊一人火锅一人火锅嘅份量十足，大量嘅蔬菜，娃娃菜同生菜。再加上肥牛，各种爽口弹牙嘅肉丸，乌冬，两个人都够食。特别欣赏爆汁又爆芝士牛丸，非常惊喜。车仔面我同朋友都系超级米线控，所以加多个车仔面，米线底。车仔面已猪骨汤熬制，材料拣咗猪肚，牛柏叶同埋牛腩。餐厅特别为我哋准备咗秘制辣酱，满足朋友食劲辣嘅要求。铁板杂扒餐铁板杂扒餐带嚟超级丰富嘅蛋白质。鸡肉嫩滑，猪扒入味，肠仔同午餐肉煎得外面香脆。我哋拣咗黑椒汁，好钟意波浪纹薯条吸收晒肉汁同埋黑椒汁嘅精华。菠萝沙冰&益力多沙冰无论系食火锅，定车仔面，定铁板餐，沙冰都非常配合。我饮嘅益力多沙冰，益力多味浓，酸酸甜甜， 正好中和火锅铁板嘅热腾腾感觉。