Pom's Diner (已結業)

努力工作左成大半个星期，终于挨到星期四，梗系要慰劳下自己，同最爱既屋企人食番餐好野啦！今次想带屋企人食西餐，系openrice揾到呢间系屋企附近既西餐厅，评价甚高，一于book位去试下啦👍🏻餐厅装潢有特色，有种莫名既高尚感！墙上装饰亦十分特别，加上暗暗既灯光，成个气氛都会令人感觉到好relax好舒服，如果同情人黎，一定更觉浪漫！今次我地试左两个套餐忌廉汁龙虾意大利饭-上台既卖相精致，味道更无得弹，龙虾鲜甜，肉质够弹牙，每粒意大利饭亦被忌廉汁包围住，口感相当丰富！另一个套餐牛油大蚬意粉-呢个意粉既牛油味香浓，蚬肉亦鲜甜无沙，意粉更弹牙烟韧！套餐仲包埋一份蒜蓉包同西兰花忌廉汤蒜蓉包-烘到趣卜卜，蒜味够，配住个忌廉汤食，真系一绝👍另外pizza，沙律同水牛城鸡翼-全部食物都性比价高！总括黎讲，呢间餐厅服务都一流，会不断帮你斟水斟酒，又会黎问下我地对食物既评价，服务好，质素高，环境优雅，下次会再黎！