丸十日本食堂 (已結業)

今晚过嚟葵芳接阿肥放工,攰攰哋唔想扫街,谂住坐底舒舒服服咁享受一个晚餐,所以就行咗过嚟新都会广场觅食,见到元气寿司大排长龙都唔愿等喇,索性入咗隔离呢间<丸十日本食堂>试试。原来呢间餐厅系新开张冇耐咋㖞,唔怪得之装修都几骨子,原木为主嘅色调甚有日式风格,卡位濶落坐得舒服。枱上嘅设备亦好完善,竹筷子+豉油碟+匙羹+纸巾＋牙签等等一应俱全。远望厨房好似开放式设计咁,能够睇到几位料理师傅忙著备菜,难怪上餐速度咁快呢~今晚试咗一款个人认为几特别嘅菜式,我食过嘅日式餐厅之中都比较小见呢...三文鱼牛油果寿司汉堡($78蚊)：我一打开餐牌见到呢样嘢就觉得好吸引我啦~上面仲有介绍佢系人气单品。先系材料已经健康有营养,无论三文鱼定牛油果都系我喜欢食嘢嘢嚟,再用寿司饭嚟制成汉堡仲够哂饱肚。$78蚊一个谂都冇谂决定要柯打喇。实物同图片一样绝无取巧,汉堡米饭已经作出相应嘅调味所以颜色都带点啡啡的就好似酱油一样,里面嘅三文鱼原来沟咗沙律酱味道十分开胃,牛油果新鲜切片并无变色,味道可口也配呢烧鸡泡鱼干($68蚊)：阿肥话去日式餐厅嘅话,叫一碟烧鸡泡鱼干就可以试得出师傅做烧物嘅功架呢碟鸡泡鱼干份量虽