風流居酒屋 (已結業)

今日下午喺OpenRice揾紧今晚食乜好，先知原来大围有呢一间居酒屋，果度职员好好，一收到我喺网上嘅booking就打俾我confirm，好有效率同清晰。去到发现呢间居酒屋系喺巷仔入面，唔怪得平时行过都冇为意。呢度一行入舖面就系吧台嘅位置，侍应带我地上去先发现原来上面都仲有2条楼梯通去唔同嘅房仔。我地坐果间房有3张枱，空间细细，都几岩两三个朋友黎倾下密计。而且房入面有mon系驳左日本嘅电视频道，我觉得气氛几好。餐牌选择都几多，而且都几吸引。盐烧海虾好抵，30蚊有2串，食落系有膏嘅，而且啲虾肉结实，应该几新鲜。翠玉瓜有啲苦，不过系我地唔好彩姐，人地点知果个瓜苦定唔苦。鸡皮同鸡肾都好食，鸡翼系超水准，大只又好食。芥辣八爪鱼军舰都好食。我地仲叫左个叉烧乌冬，$48，清清地又唔贵。