影片
更多
2018-04-15
539 浏览
因为黄昏要过水天围拎野, 所以决定过黎元朗揾食. 之前都想试下呢间, 泊好车后, 我地就慢慢行过黎. 不过职员话我地要起码等到7:15PM先有枱...但我地都系想试既, 所以就喺外面hea下hea到够钟. 间舖其实好细, 唔多枱, 职员都话欢迎订枱既... 大约等左一阵, 见到有客人离开, 之后就安排我地入座, 因为我地要三个位, 不过职员话可能有其他客人等枱的话, 我地稍为要让俾人坐住先, 到其他客人入座后, 可以俾返个座位我地! 我地当然唔介意啦! 难得佢地咁为客人著想. 不过最终都系冇人坐既, 之后职员都帮我地拍返枱~~之后我地就点餐了. 我地点左两个定食!吉列野菜饼+ 吉列免治鸡肉饼定食佢俾埋一壶猪扒酱汁俾我地淋上吉列扒上面呢个萝卜菇汤好清甜好好饮, 入面仲有好多配料可以食野菜饼其实系薯饼, 但薯蓉颜得好滑好溶, 外层又好松脆而免治鸡肉较少食到, 不过呢块鸡肉饼又系好好味, 因为真系剁得D肉好烂好匀, 再拎埋炸完, 同样做到外脆内软的效果, 仔仔都好钟意食!!亲子丼定食又系为左阿仔~~汤同上面既一样, 唔重覆介绍, 而呢个有三小碟前菜分别系: 秋葵, 炸蟹饼, 同北寄贝沙律其实
之后我地就点餐了. 我地点左两个定食!
吉列野菜饼+ 吉列免治鸡肉饼定食
佢俾埋一壶猪扒酱汁俾我地淋上吉列扒上面
呢个萝卜菇汤好清甜好好饮, 入面仲有好多配料可以食
野菜饼其实系薯饼, 但薯蓉颜得好滑好溶, 外层又好松脆
而免治鸡肉较少食到, 不过呢块鸡肉饼又系好好味, 因为真系剁得D肉好烂好匀, 再拎埋炸完, 同样做到外脆内软的效果, 仔仔都好钟意食!!
亲子丼定食
又系为左阿仔~~
汤同上面既一样, 唔重覆介绍,
而呢个有三小碟前菜分别系: 秋葵, 炸蟹饼, 同北寄贝沙律
其实本身我麻麻秋葵, 不过老公话好食, 咁我试一旧啦, 头几口都仲可以, 不过之后D滑山山既口感就出黎喇...
炸蟹饼好好味, 因为有蟹肉忌廉, 外面又系炸得好脆口, 好味
而我系第一次食北寄贝沙律, 师傅将D北寄贝切粒, 之后混入沙律酱同其他配料一齐, 原来好有口感架. 呢个沙律我好欣赏.
而个滑蛋鸡脾肉饭, 仔仔超级钟意食, 因为味道甜甜, 滑蛋浆混入D饭入面又好好味, 加埋D鸡脾肉煮得好腍, 所以比平时佢食得更多.
老公都话, 下次要再试其他菜式!!!
张贴
