影片
更多
2009-03-23
37 浏览
从坊间不同的饮食杂志看到这家新店的介绍，虽则看过都不是很吸引，但碰o岩今日路过附近觉得一试亦无防。我们两个人走到店前已见有数名食客在门外等候，走入店内了解后原来佢地系唔"比飞"的，只叫食客自行在门外排队，在外面排队时你亦可以透过落地玻璃见到厨房出菜好慢/单好乱/店员手脚好慢/眼见有吉台都不会急著招呼在门外曝晒中既客人，所以排队期间都听到前前后后都有人讲"要咁样排真系无下次!"，当然我地亦不例外....自己互相开盘打赌佢地挨到一年？半年？(haha未食就咁讲 好似有点过份黑心呢!) 终于等到下一张到我地了，但见一台客走了.....两台客走了....佢地都好似视若无睹一样! 心想究竟系佢地一心想制造出好多人o系出面排大队既场面去造势丫定系怎样，等了又等...都是按捺不住拉开门大声问”可以入黎坐未呢!？”登时全店都望过黎，接著老板呆住了大约2.24秒，再想了一想才答著”mum….可以”，真系未食就饱晒….都一肚气啦!一坐底就落单(因为o系出面已经有好充份既时间比你拣定)，我地点了一个”北海盗”套餐$35，一份三吋炒蛋三文治$20，三文治要烘底，店员就o系个menu度找了良久才找到烘底+$2(
一坐底就落单(因为o系出面已经有好充份既时间比你拣定)，我地点了一个”北海盗”套餐$35，一份三吋炒蛋三文治$20，三文治要烘底，店员就o系个menu度找了良久才找到烘底+$2(查实个meun真系精简到不得了)，之后我又多口问句冻饮使唔使加钱，店员就翻一翻个menu就答道”冻饮+$2”，落完单后我再细看menu一次，明明只系写烘底加$2而冻饮就无写明，相信系无聊IQ起了作用，所以好容易就记得除左加冰之外重可以加乜将热咖啡变成冻咖啡。店员覆单后再三提醒大约要再等十五分钟，都无计啦….反正都洗湿左个头咯，佢地又咁出名系”蛋”(等)，乜都要蛋，你要蛋蛋……
转个头”朴”一声冻啡上台，一望…点解得八成满既(即系连冰计 离杯边一吋有多)，个色仲淡过奶茶，重直迫”呵力”添，好 同自己讲”唔好咁快觉得人地有问题住…可能系自己唔识野o者，北海道咖啡应该系咁既”，试一口….顶....真系受不了.....似系洗咖啡杯既奶水!!! 同店员换了杯热啡 要奶另上，热啡一上台，眼见啡面有一层咖啡油，唔错，但似系同本地咖啡商买的日式炭烧咖啡粉，唔系所谓的come fm japan，但最出事的系咖啡奶，佢竟然系比植脂淡奶㖞，连果一小份既奶都唔用佢地既绰头3.6牛奶，请问诚意何在呢？! 好在我饮斋啡!
等了又等…套餐的多士/火腿/炒蛋到了，全冻的!!! 炒蛋唔系预期中嫩滑，系干巴巴的煎蛋皮。又等到叉烧汤意出场，意粉无澳洲牛奶公司的过”林”，佢地又标榜绝唔落味精，原来系取巧地换来淡而无味既汤底，间中又会尝到几口重重的胡椒味….差!!!
万众期待既三吋炒蛋多士…..全完唔系杂志上影既，果然真系相片只供参考，我唔知点至睇到系三吋……唔通系要栋起份多士黎计？! 中间个炒蛋又系唔滑既，只系叠多两块蛋落去加厚佢，又食唔到有咩奶味，唉….唯一希望都无埋!
用餐期间有幸见到隔离台有个太太单拖黎帮衬叫了套餐重加多份我预无人会order既鱼子酱多士$60，不过这店一视同仁，无优待这个豪客，这太太都系三吹四请至有一小杯鲜奶到肚，及后更大声叫入厨房佢重有咩未上，当时真系凳烘紧多士既老板难憾，最后见到果份传说中既鱼子酱多士系一片方饱开四….真系咁都够胆死!
店内采用半开放式厨房，你可以睇下点解咁少客，食物咁简单，点解都可以搞到咁，又可以睇下个老板o系度陶手”塞”o的方饱入个多士炉度，又再陶手去拎上碟比你食，系咪多左一份人情”味”呢!
哩一个快餐连埋等台我地总共花了约个半钟(查实半个钟都嫌耐)，你要黎食可能要请半日假至好黎，不过又激气又会觉得娱乐性相当丰富。
总括黎讲，唔好以为改个"北海盗"日本名 o系杂志买下膳稿就可以抢客钱!
绰头不足 质素连茶档应有既都未做到，奉劝老板一句 一系即刻转形 一系衬装修同架生伸新 拿拿声揾人顶手好了!
最后向各食客顺带一提，全店最可靠的是单点牛奶!(不过在大形超市有售)
张贴
