雄記粉麵 (已結業)

身为一个将军澳人，走入荃湾真系好远好远😂😂😂😂但为左揾食，撘耐啲车都值😤有时想食清淡啲，食下粉面系唔错嘅选择😚雄记粉面主打鱼肉春卷🐟我要左一碗鱼肉春卷河💰HKD30!其实啲河粉都几少😂我本身都谂住唔饱啦，但系上面果两条大春卷真系真材实料好大条，我食完已经饱了。春卷内全部都系鱼肉，十分弹牙😉鱼肉冇碎骨，个人觉得比南记更好☺️ 另外我嘅朋友叫左个酸辣腩肉米线加鱼肉春卷。腩肉几腍，同埋都几够味，不过始终份量偏少，男仔如果净叫腩肉米线可能唔够饱，所以叫多条鱼肉春卷就够饱了！😎 呢种酸辣都好味，不同于谭仔嘅酸辣，但个人比较偏好谭仔果种较浓味酸辣😬 另外想讲讲佢个辣椒酱😄辣椒酱系啡啡地色嘅，味道有啲酸酸地，唔算好辣，所以都为清淡嘅粉面加了些点缀🍜始终小店经营，个人觉得价钱未算好贵，且质素不俗，可惜去到荃湾先有😞好远啊！