CHOO CHOO (已結業)

依间餐厅好姊妹前排食过，之后赞好不绝，所以今晚我就Book咗枱嚟食喇。虽然餐厅位于比较僻静嘅街道，但夜晚都有好多人嚟食，要食的话记住book咗枱啊！Choo Choo嘅装修以火车车箱内为主，有几个投影用嘅火车车窗，播影住平时搭火车去旅行车窗见到嘅影像，感觉真系好似去梗旅行呢。今日食咗1)泰式软壳蟹罗勒叶墨鱼面(2)牛肩胛配露笋黑松露波特菇(3)杂苺汁泰式软壳蟹罗勒叶墨鱼面上到枱就闻到阵阵罗勒香，好吸引。软壳蟹炸到啱啱好亦够热，唔会干哂或摆到漏哂气。墨鱼意粉方面，对我嚟讲辣咗少少，但就好啱Mr.J味。因为意粉有罗勒同蒜头炒过，食落好惹味。杂苺汁好开胃，酸酸哋甜甜哋，每饮一啖都好似食梗10几粒杂苺咁，依个我好喜欢。牛肩胛配露笋黑松露波特菇，上菜时摆到好靓，最上系牛肩胛，中间有几条露笋隔住，最底系黑松露波特菇，而且overall就有刨碎哂嘅芝士遍布成只碟，芝士就一路食一路溶，好好味啊！牛肩胛煎到啱啱好五成熟，食落好嫩口，仲有好多肉汁喺里面;黑松露波特菇有几条露笋隔住，咁就牛肩胛唔会沾到黑枱露。波特菇好大只，包住浓郁嘅黑松露，好夹好好味。