炭 (已結業)

每次去完铜锣湾行街，都会嚟呢间居酒屋食晚饭，贪其地点方便，位于铜锣湾广场一期对面，而且地方阔落，买完野一袋二袋都唔使惊。今次同埋两个女朋友上嚟，由7点坐到10点几，慢慢食慢慢倾，一个满足的晚上。今次叫咗以下几款食物，咁多年都保持水准，食完回味无穷👍🏻👍🏻一坐底先叫两个头盘，烧鸡泡鱼干和蟹子蟹柳沙律。前者烧得香甜惹味，后者的沙律菜很新鲜，食完特别开胃。另外，烧牛肋骨绝对是今晚惊喜之作，要赞师傅的烧烤技术，生熟度恰到好处，肉质鲜嫩，入口即溶。招牌菜 — 羊扒烧及鹅肝双蛋饭也是Must-Eat items，食完成个人满足哂。最后再点了吉列炸蚝和烧年糕，炸蚝劲酥脆，烧年糕就烟烟韧韧好得意。