Noble Spice (已結業)

听朋友讲soho有间尼泊尔餐厅，价钱又唔贵，觉得几特别，就谂住lunch time去试下。妟昼中环有好多人，成日食饭都好难揾位，呢间餐厅就好好，唔多人，的装修好有尼泊尔异国风情，墙上有几张朝圣壁画，天花挂上传统的油灯，哈哈，平时午饭只有粥粉面饭，今日就觉得好新鲜。食物方面：有炸鸡、甜薯仔、喜玛拉饺子、香草鱼、奶蛋薄饼、番茄汤、尼泊尔特色炒饭等等… 平时好少有机会食到，好有中东味道。唔识睇餐牌上啲「尼泊尔英文」唔紧要，menu系图文并茂的，你见到边幅靓边碟想食，指一指order 就可以，或者直接问下老板有咩好介绍，佢好好人，在厨房为客人煮菜系佢太太，听讲两人从尼泊尔来香港已十多年了，但仍未学好广东话，两夫妇一起打理生意，很温馨呢！临走，见到个门牌，写着 “ Come as a customer, leave as a friend!!!” ， 感觉是一种久违了的温暖，外边的老板，有多少是本着这个心做生意呢？一笑埋单每人$60，百零蚊碌卡都可以，老板话佢地凌晨都会开门，方便啲人饮完野食宵夜㖞！下次一定会再嚟食！