影片
更多
2020-03-30
1970 浏览
A Happy Pancake 喺沙田开咗咁耐 , 今日终于有机会同一班姊妹嚟试下啦 !!周日晚上 9 点左右嚟到 , 大概坐咗 8 成客人 , 等位期间店员同我哋讲最低消费 , 每人最少要消费一款食物或者饮品 , 以 2 个人为例 , 最少要叫 1 份班戟加 1 杯饮品 餐牌 : 座位比较逼 , 睇完餐牌就到收银处落单 , 之后店员会比一个提示器你 , 著灯就可以去攞嘢食 ~ 店舖入面有自助区可以拎冻水 , 热水 , 奶 , 糖 , 纸巾 , 只杯比较细 , 添水就要行多几转喇 ~等咗大概 10 分钟就拎齐食物啦 , 我哋 6 个人叫咗 4 款甜班戟 + 2 杯橙汁 😬😬4 款班戟嘅质地都系比较实净 , 味道系原味 , 蛋味唔算好浓 , 味道主要靠配料 / 酱汁 / 忌廉提拉米苏班戟 ($108) 好香咖啡味 , tiramisu 忌廉味道都唔错 , 唔会太甜 , 有咖啡淡淡的甘味 ~日本士多啤梨宇治抹茶炼奶班戟 ($108) 期间限定紧系要试下喇 ! 面头嘅士多啤梨甜度只属正常 ... 重点系个炼奶 !! 一定要加好多好多 !! 唔会太甜 !! 好邪恶但又好满足 🤤🤤抹茶忌廉好好味
周日晚上 9 点左右嚟到 , 大概坐咗 8 成客人 , 等位期间店员同我哋讲最低消费 , 每人最少要消费一款食物或者饮品 , 以 2 个人为例 , 最少要叫 1 份班戟加 1 杯饮品 餐牌 :
座位比较逼 , 睇完餐牌就到收银处落单 , 之后店员会比一个提示器你 , 著灯就可以去攞嘢食 ~ 店舖入面有自助区可以拎冻水 , 热水 , 奶 , 糖 , 纸巾 , 只杯比较细 , 添水就要行多几转喇 ~
等咗大概 10 分钟就拎齐食物啦 , 我哋 6 个人叫咗 4 款甜班戟 + 2 杯橙汁 😬😬
4 款班戟嘅质地都系比较实净 , 味道系原味 , 蛋味唔算好浓 , 味道主要靠配料 / 酱汁 / 忌廉
提拉米苏班戟 ($108)好香咖啡味 , tiramisu 忌廉味道都唔错 , 唔会太甜 , 有咖啡淡淡的甘味 ~
日本士多啤梨宇治抹茶炼奶班戟 ($108) 期间限定紧系要试下喇 ! 面头嘅士多啤梨甜度只属正常 ...
重点系个炼奶 !! 一定要加好多好多 !! 唔会太甜 !! 好邪恶但又好满足 🤤🤤
抹茶忌廉好好味 ! 又够滑 !! 又有茶香 !! 呢个我推介呀 👍👍
奶茶班戟配自家制谷物 ($98) 都唔错 , 唔会太甜 . 不过对比起以上 2 款就冇乜特别 ~ 自家制谷物无惊喜
香蕉朱古力班戟 ($89)香蕉得半条 , 正常质素 🥺
橙汁 ($18)饮左一半的 , 无特别
整体嚟讲 , $90 - $110 1 件 pancake 讲真真系有啲贵 ... 虽然系几好食 , 但又系咪真系值呢个价钱呢 ? 比咁贵食个班戟 , 唔多唔少都系想比钱打个靓卡 , 但差唔多 $100 嘅班戟竟然用纸碟装住 , 感觉似食快餐多啲 , 😵😵 打卡值大减 , 自助式服务加上有最低消费 , 整体感觉一般 😩, 性价比低 ~ 试完一次之后 , 我未必会再比钱食 😕😕 ......
张贴
