Wooloomooloo Steakhouse

营业中

休息中

适逢女朋友生日，梗系要带佢食一餐好嘅晚餐！喺网上面揾咗好耐，终于比我揾到呢一间系海边嘅餐厅。食饭嘅时候可以望住围岸嘅景色。楼下仲有live Band添！但系钟意倾计嘅朋友我会推荐佢哋坐楼上有冷气之余又比较安静。但系如果钟意热闹嘅朋友楼下系个好好嘅选择👍🏼店员好Nice!全店都要讲英文嘅所以英文唔好嘅人都要事先做好功课。宏观当日都唔系话好多本地人去食，大部份都系外国人。唔讲咁多我哋讲下啲食物先！我哋嗌左个凯撒沙律、招牌牛扒、仲有一个pizza，最尾仲有一个心太软作为点缀。个牛扒我哋带咗五成熟但系佢出嚟嘅效果有啲似七成。好有牛味都几好食。配埋佢𠮶个Shiraz 红酒都几夹个Pizza有啲咸.慢慢食睇吓风景听下live Band都几写意!我女朋友好开心！对live Band都十分识趣，系个心太软送到上嚟嘅时候自动转唱生日歌😍气氛正到爆如果特别节日想带另一半过嚟chill下、倾下计嘅话呢一间餐厅都系一个好嘅选择。