高興 (已結業)

男朋友之前食过，所以带我试下。cafe 位置比较隐蔽，系工厦地下，要特登揾下，但都算方便。装修系港式怀旧风，非常特别。用餐过程后面播住音乐，主要系广东歌，气氛系chill。我大概下昼两点三左右到，坐一阵等两点半下午茶，侍应都好好人冇特别赶客。座位阔落，适合同朋友慢慢食饭倾计我叫咗T5 意式肉酱肉丸焗长通粉，食物质素普通，肉丸似ikea个只味，份量比较细，加咗个热伯爵茶，冇谂过佢系成个茶壶加茶杯咁上，如果其他cafe一早要加钱先有。后面有自助area可以斟水，我哋饮咗好多杯，Menu上仲有啲花茶、iced tea可以拣。男朋友叫咗个榄油蒜香鸡肉炒意粉，贪佢有个笑哈哈话系推荐。点知一嚟到系个迷你pan上，又几好食wo衰仔，不愧为「高兴之选」。佢叫咗个蜜桃茶，不过不失。Overall 觉得几好，路过可以试试。