部屋咖啡室

拣呢到因为有好多种类既Board game玩，食饱仲可以玩阵先走，同埋之前已经听朋友介绍过话食物高质好好味，今次就黎试试佢，结果以楼上咖啡室既质素真心出色，店员仲要好好人主动提我地转套餐会抵食啲，饮品推介热朱古力特饮，我点左热薄荷朱古力，朋友点左热薄荷朱古力咖啡同埋鲜奶朱古力，三杯都好好饮，唔系平时好平𠮶种可可豆味，系真热浓郁朱古力，薄荷味都啱啱好，冻饮可以试吓杨枝甘露，非常足料，饮完好饱哈哈，主菜叫咗卡邦尼意粉、黑松露意大利饭、西西里薄饼，真系每样嘢食都好高质😂我哋都冇谂过有惊喜，特别黑松露饭粒煮得烟烟韧韧，证明厨师经验十足，真系识得煮意大利饭，薄饼即叫即焗，包皮香脆，小食我哋叫咗芝士西兰花同烟三文鱼沙律，套餐仲有炸蟹饼，三个人埋单每人三百蚊而己，有野玩有好野食，非常之抵，朋友果然冇介绍错🥳🥳