雷門鐵板燒放題 (已結業)

身为一个mk仔, 系mk食野是常识吧。 话说, mk最多既就系café, 打边炉同放题, 咁今次我地一于就食放题啦~去到等左无几耐就入得去, 心谂mk d野通常都等到喊出黎, 今次唔洗等, 唔通中伏?入到去见到几个店员已经系度吹紧水, 真系愈来愈似中伏。一坐低其实真系坐得唔系话好舒服, 设计唔多好, 有点儿窄。睇下个menu, 真系好多选择, 但我系一个重质唔重量既人, 所以都系睇定d先。跟住拣好晒野食就叫waiter啦, 唔该左好耐都无人so我, 最后有个店员眼尾瞄到我, 但佢竟然唔系过黎, 而系叫第二个落紧单既店员一阵过黎, 我心谂唔通佢系老板?咁本事既? 但佢明明著住店员既衫, 唔通系cosplay?算, 食放题最在乎既系咩?系上菜既速度, 尼间野既速度都系慢果种。大概20分钟上一张单, 而且份量唔足, 好似无论你写几多都系俾你地人头既份量咁, 野既摆位都算靓既, 但牛柳粒等几粒L 要叫多次。总括黎讲, 炸物佢就会炸足俾你, 因为炸野好hea就做到, 但要少少技巧既野佢就唔出足, hea得就hea, 百几蚊唔系话唔抵, 但其实唔会话食得好满意lor。