本格 (已結業)

今日收工又落雨，同朋友谂住喺附近食啲嘢，避雨避到去后巷发现呢间装修好有格调嘅高质串烧，于是入去食啲串烧避下雨。我哋嗌左一串烧鸡髀肉，另一串系紫苏叶鸡俾肉，同埋一只烧鸡翼。佢个鸡俾肉上面块鸡皮烧得好脆好香，而另外一串嘅紫苏叶亦都有佢独特嘅香味。以朋友亦都好欣赏佢哋烧嘅鸡皮，所以我哋额外又嗌左一串烧鸡皮，烧鸡软骨同埋烧豆腐。个鸡软骨都唔错，卜卜脆咁，配埋佢呢度啲sake，应该都几唔错。而佢串烧豆腐亦都好正，因为入面豆腐好滑出边又香脆，绝对唔会烧到干晒。肥牛金菇卷就食得多，但呢度嘅系卷左鸡髀菇同埋莴笋。鸡髀菇一食落去超级Juicy，好夹味。而莴笋卷亦都好爽脆，原来咁样嘅配搭都几正。而佢个烧翠玉瓜亦都烧到啱啱好，食落仲保持翠玉瓜嘅多汁。之后仲有一串烧冬菇，佢个冬菇好香牛油味，唔会烧到太干而变成有苦味。另外仲有呢个甜嘅日式年糕Q弹又软腍嘅口感，几好味。最后食埋呢个芝士年糕，上面洒满紫菜丝，唔知点解觉得佢个卖相简单得来又好吸引。咬开之后见到满满嘅流心芝士，啱晒啲芝士控。