蜜庵本膳 (已結業)

平时一齐食饭嘅同事因为公事跟咗我哋senior岀咗去，lunch得返我自己一个人食。不过既然上司都唔喺公司，就代表我可以有多少少嘅时间去探尖沙咀嘅美食。行吓行吓入咗去赫德道，见到其中一间喺横街入面嘅餐厅就系今日讲嘅蜜庵本膳。街上面有其他嘅餐厅，不过我就俾蜜庵本膳嘅餐牌吸引咗，睇落好丰富。坐底之后我就叫咗个自选午餐定食，分别要咗「广岛蚝橄榄油渍」、「林檎咖哩牛仔骨」同埋「黑松露炸鸡」。套餐卖相好靓，每一道菜都好精致，除咗上面讲嘅三款主菜，定食包埋一碗饭、沙律同味噌汤，每一碟都有质素，个人觉得最好味系牛仔骨。整体而言个环境好舒服而且食物水准都高，下次会带朋友一齐嚟。