影片
更多
2010-05-02
26 浏览
我对海南鸡饭素来情有独钟，不过喺香港要揾到好食嘅，五只手指数得晒(当然无计果间泰国人海南鸡)。而喺尖沙咀柯士甸路旧楼后巷入面，有一间店舖格局非常简单，专卖新加坡海南鸡嘅叫「文华鸡饭」 小店，估不到呢间隐蔽食店，竟然令我一食就爱上了...文华鸡饭店舖面积好细，内里只有四张二人台，出面亦只有几张圆台。我来到时刚刚开门，来自新加坡嘅友善老板娘叫我等一阵，而我亦只好先在门外附近影相先...其实文华鸡饭唔太难揾，沿柯士甸道转入柯士甸路，天香楼斜对面就会见到一条窄巷，穿过果条窄巷就会见到天井同埋间舖，又或者你知九龙区著名「蛇窦」联威茶餐厅位置，就一定揾到...第一次黎到呢度当然要试食传统海南鸡饭餐($33)，价钱唔算贵，加多$3有饮品，而加$5有细肉骨茶添...不过只可以二选其一，我已叫老板娘将餐牌上面果个逗号改走，无谓被人误会而俾人话揾笨...主菜未到先送上一碗热辣辣嘅清汤，表面上只系一碗得几块椰菜，平平无奇嘅茶记例汤，但饮落去原来系鲜甜味美嘅鸡汤，怪不知咁好味啦～！我一向唔中意食药材味重嘅食物，但呢度嘅肉骨茶却意外地接受。老板娘话香港人普遍唔太接受传统肉骨茶果种浓烈药味，佢地加入黑胡椒一齐煮，
文华鸡饭店舖面积好细，内里只有四张二人台，出面亦只有几张圆台。我来到时刚刚开门，来自新加坡嘅友善老板娘叫我等一阵，而我亦只好先在门外附近影相先...
其实文华鸡饭唔太难揾，沿柯士甸道转入柯士甸路，天香楼斜对面就会见到一条窄巷，穿过果条窄巷就会见到天井同埋间舖，又或者你知九龙区著名「蛇窦」联威茶餐厅位置，就一定揾到...
第一次黎到呢度当然要试食传统海南鸡饭餐($33)，价钱唔算贵，加多$3有饮品，而加$5有细肉骨茶添...不过只可以二选其一，我已叫老板娘将餐牌上面果个逗号改走，无谓被人误会而俾人话揾笨...
主菜未到先送上一碗热辣辣嘅清汤，表面上只系一碗得几块椰菜，平平无奇嘅茶记例汤，但饮落去原来系鲜甜味美嘅鸡汤，怪不知咁好味啦～！
我一向唔中意食药材味重嘅食物，但呢度嘅肉骨茶却意外地接受。老板娘话香港人普遍唔太接受传统肉骨茶果种浓烈药味，佢地加入黑胡椒一齐煮，将药味温和左，闻落亦再无浓烈呛鼻感觉。加上份量十足，猪肋骨肉，腐皮同豆卜样样齐，唔错唔错！
食海南鸡，三色酱绝不可缺。三款大大盘放你面前任你落，绝不吝啬。呢度黑酱油质地比普通嘅较thick，味浓又带甜，送饭一流。甜酸酱辣味较出，酸味较少，食起上黎几滋味，而姜茸相对就较为失色，可以不理。
海南鸡饭可以指定要唔同位置，要鸡脾唔驶另外加钱，当然系落单果阵要预早出声啦！无骨海南鸡饭送上已闻到油饭香味，望落虽然光泽不足，但食落味道丰富，饭粒极有咬口，绝对好味，一问之下原来煮饭时用上鸡汤再加独门秘方，哈哈～神秘有趣...实在好味！鸡肉质嫩滑非常，鸡皮又滑溜，皮下脂肪部份丰满，食落唔油腻，好好味！以呢个价钱黎讲，质素绝对系接近超班，掂呀！
食完虽然好满足，但老板临走前几句说话为我带来少少遗憾...佢话其实佢地最出色嘅唔系无骨海南鸡，而系呢只烧鸡，佢地在新加坡卖烧鸡同白鸡嘅比例系8:2。唉～唯有希望下次再黎试下呢度嘅烧鸡饭...
张贴
