華記士多

营业中

休息中

喺Open Rice打上西湾河，第一位兼获得最优秀东区开饭热店就系呢间华记士多，而华记最出名嘅就系蛋包饭喇。今日，我就一于去试一试，呢度嘅午餐称为：是日颓饭（其实我哋好欣赏呢个名，因为勾起好多读大学嘅回忆）。而颓饭选择有咖哩蛋包饭、芝士咖哩蛋包饭同卤肉饭，值得一赞系颓饭免费奉送橙汁或柠檬特饮或各冷热饮品。虽然我最支持区内小店，但发现呢间小店嘅名声大于实际。而且，讲求要好卫生嘅朋友，千祈唔好嚟，因为坐位设于后巷内。卖相唔太讨好，不过，我从来都唔会俾外表所蒙闭。讲真，只蛋真系好滑，但咖哩唔够香浓，而且饭底好硬，所以我都唔推介。