影片
更多
2017-09-07
1838 浏览
有日突然好想食越南既生牛肉汤河，上网揾越南餐厅发现原来香港已经好少自家经营既越南餐厅，可能小店经营困难，特别因为租金太贵，所以全部都转晒连锁店，即大财团玩晒，有感可惜。揾到几间小店，谂住逐一试下，难听d咁讲，有得食好食，D小店都唔知挨到几耐。今日试左其中一间有咁上下历史既越南餐厅(眼见open rice第一编食评系2003年)餐厅位于不起眼的后巷位置，可能正因为不起眼，所以店内食品价格性价比高，你知啦~宜家出街食饭主要都系帮人交租，食材好唔好大家心照啦。晚上大约7点来到，店内有5枱客人，环境其实都ok，够干净、冷气够凉我地2个女仔因为赶住去对面新光睇剧（唔好误会，唔系睇大剧），所以就简简单单点了2碗比较特式既汤粉，当然唔少得驰名既蒸粉卷。越式蒸粉卷晶莹剔透，口感烟韧，馅料味道略嫌淡左少少，不过都仲系好好食既。有成8-9条㗎渔村汤檬晓+$1转粉丝汤底味道酸酸辣辣，都几开胃，有2件蕃茄、一小片装饰用既扎肉、大量大大小小既肉碎。开初以为肉碎加左咸鱼腌制，细问之下原来系加左虾膏，口味既野见仁见智，我自己觉得OK既，而且肉碎够松软又够腍，。顺化汤檬味道较浓，辣味为主，猪手皮爽肉厚，最紧要系清理干
揾到几间小店，谂住逐一试下，难听d咁讲，有得食好食，D小店都唔知挨到几耐。
今日试左其中一间有咁上下历史既越南餐厅(眼见open rice第一编食评系2003年)
餐厅位于不起眼的后巷位置，可能正因为不起眼，所以店内食品价格性价比高，你知啦~宜家出街食饭主要都系帮人交租，食材好唔好大家心照啦。
晚上大约7点来到，店内有5枱客人，环境其实都ok，够干净、冷气够凉
我地2个女仔因为赶住去对面新光睇剧（唔好误会，唔系睇大剧），所以就简简单单点了2碗比较特式既汤粉，当然唔少得驰名既蒸粉卷。
越式蒸粉卷
晶莹剔透，口感烟韧，馅料味道略嫌淡左少少，不过都仲系好好食既。有成8-9条㗎
渔村汤檬晓+$1转粉丝
汤底味道酸酸辣辣，都几开胃，有2件蕃茄、一小片装饰用既扎肉、大量大大小小既肉碎。
开初以为肉碎加左咸鱼腌制，细问之下原来系加左虾膏，口味既野见仁见智，我自己觉得OK既，而且肉碎够松软又够腍，。
顺化汤檬
味道较浓，辣味为主，猪手皮爽肉厚，最紧要系清理干净晒d毛（猪脚尖仲有少少烧焦，证明有用心清洁d猪毛）。
埋单合共$145 真心觉得抵
后记:睇返呢间餐厅以前食评话服务好差，不过我觉我几好，要水有水，要热水有热水，侍应姐姐完全冇黑面。
张贴
