影片
更多
2016-12-16
91 浏览
呀滔滔话打边炉最紧要个炉。我估大部分人同我一样都会觉得最紧要系啲料。料正就白水渌都好食。今晚啲料系正既。汤底都唔错。只系隔黎枱个沙爹真心好香。香到我想夹块牛过去渌！而今日用既系虫草花鸡汤同胡椒猪手。虫草花鸡滚左十几廿分钟就咁饮都几好味。胡椒猪手就够香但系唔辣。不过汤底黎讲ok la。成枱牛魔王。一开炉就叫牛。唔洗谂一定系要个塔试一试边款正啲。顶层系牛腩粒同胭脂粒（即系平时啲骰仔牛肉粒）。牛腩粒要煲廿分钟。个汤有冇出到味就唔知。但系粒牛腩咬落肉味够。唔柴皮。胭脂粒合理期望系更好。三四分钟。咬落仲有肉汁喷射既。中间系牛脷同滑牛。牛脷爽身味浓。合格！底层两碟要追加。咁梗系正野！特级手切肥牛。简单直观啲姐系颈脊。各人口味不同。有重口味朋友话佢唔系肥牛唔够肥。我就觉得好够。重点系够平衡。有牛肉质感之余唔会纤维粗。油分同肉味既比例。呢个系颈脊吸引既地方。爽脆金钱牛𦟌。呢个系亮点中既亮点。平常食牛𦟌好忐忑。因为一渌一缩细到揾唔返。一系食完就要揾牙签因为啲筋位易摄牙。而安哥得既就梗系唔会系平时果啲。大𦟌位双飞切法。唔系丁屎咁细块会缩到唔知去左边。同埋唔会太厚。令筋既纤维唔会太长。缩水程度冇咁劲。话唔缩
呀滔滔话打边炉最紧要个炉。我估大部分人同我一样都会觉得最紧要系啲料。料正就白水渌都好食。今晚啲料系正既。汤底都唔错。只系隔黎枱个沙爹真心好香。香到我想夹块牛过去渌！
而今日用既系虫草花鸡汤同胡椒猪手。虫草花鸡滚左十几廿分钟就咁饮都几好味。胡椒猪手就够香但系唔辣。不过汤底黎讲ok la。
成枱牛魔王。一开炉就叫牛。唔洗谂一定系要个塔试一试边款正啲。顶层系牛腩粒同胭脂粒（即系平时啲骰仔牛肉粒）。牛腩粒要煲廿分钟。个汤有冇出到味就唔知。但系粒牛腩咬落肉味够。唔柴皮。胭脂粒合理期望系更好。三四分钟。咬落仲有肉汁喷射既。中间系牛脷同滑牛。牛脷爽身味浓。合格！底层两碟要追加。咁梗系正野！
特级手切肥牛。简单直观啲姐系颈脊。各人口味不同。有重口味朋友话佢唔系肥牛唔够肥。我就觉得好够。重点系够平衡。有牛肉质感之余唔会纤维粗。油分同肉味既比例。呢个系颈脊吸引既地方。
爽脆金钱牛𦟌。呢个系亮点中既亮点。平常食牛𦟌好忐忑。因为一渌一缩细到揾唔返。一系食完就要揾牙签因为啲筋位易摄牙。而安哥得既就梗系唔会系平时果啲。大𦟌位双飞切法。唔系丁屎咁细块会缩到唔知去左边。同埋唔会太厚。令筋既纤维唔会太长。缩水程度冇咁劲。话唔缩你都唔信啦系咪。同时因为纤维短。冇咁易摄牙同会爽好多。爽脆金钱牛𦟌真系实至名归！真系不要再说了。叔叔北行鸟。好想要个沙爹汤再食多转
张贴
