梨和園韓日料理 (已結業)

今日原本谂住开开心心同朋友庆祝生日，想食韩烧，见到梨花园好似唔错，我又有加州红既卡可以有折，咁就决定去喇。因为未去过，所以一早就打定电话问清楚个价钱，我已经好清楚咁问今日(星期五)有冇自助餐，佢话有，问佢几多钱，佢仲好清楚咁答我话，晚上七点至9点就98元再加一，即系108，9点后就85元包埋加一。我仲问埋生日系唔系有蛋糕送同埋我有加州红既卡系唔系同时会有九折，佢答我好清楚话会有！咁我觉得价钱ok就去喇。仲book埋台，写埋要蛋糕同埋有九折卡。其实，见到咁多网友写到佢地咁衰，我都惊惊地，但自己懒得再谂去边度食，所以就博一铺。点知就出事喇！去到佢同我讲话有九折就冇蛋糕，我当然就第一时间话我打过黎问话会有架㖞，扰攘一乱之后，佢地就埋晒我地喇。到埋单既时候，佢竟然系计我108蚊一个人(未包加一)，我同佢再理论，佢态度劲差咁同我讲，话今日系星期五，系108蚊一位，计埋加一就119，而家佢收我108已经九折左埋我，我就梗系话我今朝先打过黎问，佢个同事唔系咁讲架㖞，佢竟然话"咁唔好意思啰"，态度超差！自己员工误导左人，仲要比咁既态度人地睇！我都唔评论佢既食物好唔好食，就算好食都背脊骨落！我以后就算有