天湖印度餐廳

营业中

休息中

依间野都系上网睇人介绍先知，佢有另一间分店喺荃湾嘅我一开始上网睇𠮶间系荃湾𠮶间，但之前去荃湾谂住食嘅时候发现佢冇开，点知原来佢有另一间系喺东涌嘅，咁𠮶日朋友生日就嚟食咗。咁佢个餐牌好简单嘅啫得两页，饮品就系另一张餐牌到。咁上网睇人介绍一定要食佢嘅butter chicken,咁我哋除咗呢个之外仲嗌左传统咖喱牛。叫得㗎你梗系要叫埋佢哋个薄饼食，波比我都叫咗两款分别系蒜蓉同牛油。咁味道方面我觉得牛油鸡佢就好食过传统嘅，咁牛油鸡𠮶个就系唔辣嘅咖喱同埋有少少蕃茄，识落就酸酸甜甜配埋薄饼食嘅话就啱啱好。传统咖喱𠮶只就冇乜特别都系普通嘅印度咖喱味。薄饼方面嘅话其实我觉得系蒜蓉好食啲，牛油嘅话佢只不过系真系多咗牛油香味但系其实感觉上可能同原味差唔多。 咁除咗两个咖喱同薄饼咗我哋仲嗌多咗个芭堤雅猪颈肉炒饭，咁佢个炒饭呢只不过系普通蛋炒饭上面放几个猪颈肉，冇话特别好食或者难食，但我就唔建议大家叫。咁另外嘢饮方面都要提一提大家，佢啲嘢饮系比较偏甜嘅所以如果唔钟意太甜嘅人记得叫佢少甜，或者系叫佢俾多啲冰。咁依就食咗大概400/3人，佢嘅份量都OK嘅，如果净系食咖喱就应该啱啱好我哋叫多咗个饭所以就好饱。