Simplylife Bakery Cafe

营业中

休息中

琴日冬至，老公不在港，仔仔要返工，自己一个在家求其食。今日仔仔放假，就一齐出去食好D，补番做冬不过其实我家一向都冇乜所谓做节，只系有个借口出街食个饭咁啦。例牌又系行晒成个将军澳，每间舖都望过下先决定食乜。今日就决定食Simplylife，之前食几次lunch同下午茶；觉得佢既水准都有保证既。因为我地都早食饭，所以唔驶等位即入，但系食下食下，见间餐厅都好快满座。我地坐果位望住厨房，真系睇住佢煎扒，唔错。今日得我同仔仔，预左仔仔食1.5个餐，我食0.5个。因为我对汤或沙律都冇乜兴趣，亦冇兴趣佢地个果茶，所以只系加左一个Set钱，多个汤，包同饮品。汤我冇饮，个包就几好味，佢系有2款唔同的面包的。牛扒，我觉得几好味，但仔仔话汉堡好食D㖞。我就觉得个扒好味D啦。烟肉汉堡，我觉得之前lunch同下午茶时食好味D咁。晚上食，我觉得系差左少少；但都系好味既。埋单400几差唔多500。其实佢好多set都只系百二至百六一个，系个牛扒贵左要二百几，咁加埋先差唔多500。如果我地唔叫扒，而系叫个意粉，我念埋单只系300头就OK。对于平日少出街食，节日出街食黎讲，价钱好OK。