影片
更多
2020-10-15
993 浏览
经历左8号波之后嘅第一日返工, 因为太肚饿就忍唔住蛇去南记食个早餐, 南记嘅早餐提供时间系至到上午11点30分(各分店应该唔同吧?!)所以都好受中意食米线或者粉面嘅上班族欢迎, 咁佢早餐提供种类有汤粉面, 茶记方式公仔面加多士炒蛋, 同埋小窝米线春卷鱼片弹窝米线, 中辣, 加底, 36+5蚊本身南记小窝米线水准都几飘忽, 厨房忙起来比嘅野食真系会好差, 所以我都中意衬少人时候去光顾不过今次10点零去, 阿姐煮呢窝米线都系淡茂茂嘅味, 搞到要落一茶匙辣椒酱先有味道, 明明汤底好多肉碎同酸菜, 但因为佢地每个米线都系逐个逐个沟汤底煮, 所以时浓时淡, 不过米线本身口感几好, 外软但唔糊口, 可以适当地挂汤但又有口感, 不过幼身左少少𩠌方面, 你会见住佢煮完煲米线就会直接夹鱼片同春卷响个汤度, 就系冇一齐煮过咁解, 所以都几汤还汤, 𩠌还𩠌, 不过鱼片本身就唔吸汤汁, 所以影响不大, 而且间唔时有鱼片头食咁又唔错, 不过春卷就麻麻地, 因为汤底未至于热到就咁放上去都令春卷辣口, 结果条春卷系冻嘅, 而且因为春卷就咁放响室温下, 外面干水有油份, 浸极都吸唔到汤, 结果就好似食紧鱼肉报纸(湿嘅
春卷鱼片弹窝米线, 中辣, 加底, 36+5蚊
本身南记小窝米线水准都几飘忽, 厨房忙起来比嘅野食真系会好差, 所以我都中意衬少人时候去光顾
不过今次10点零去, 阿姐煮呢窝米线都系淡茂茂嘅味, 搞到要落一茶匙辣椒酱先有味道, 明明汤底好多肉碎同酸菜, 但因为佢地每个米线都系逐个逐个沟汤底煮, 所以时浓时淡, 不过米线本身口感几好, 外软但唔糊口, 可以适当地挂汤但又有口感, 不过幼身左少少
𩠌方面, 你会见住佢煮完煲米线就会直接夹鱼片同春卷响个汤度, 就系冇一齐煮过咁解, 所以都几汤还汤, 𩠌还𩠌, 不过鱼片本身就唔吸汤汁, 所以影响不大, 而且间唔时有鱼片头食咁又唔错, 不过春卷就麻麻地, 因为汤底未至于热到就咁放上去都令春卷辣口, 结果条春卷系冻嘅, 而且因为春卷就咁放响室温下, 外面干水有油份, 浸极都吸唔到汤, 结果就好似食紧鱼肉报纸(湿嘅)一样, 老实讲, d 𩠌好垃圾 , 系我一早想食米线做早餐所惹出来嘅祸
唔洗钱送杯豆浆, 冇特别, 除左特别细杯
埋单41蚊, 我宁愿晏少少去同区重庆xx 食个米线冇咁嬲
张贴
