La Rotisserie (禧利街) (已結業)

见到熊猫外卖满150蚊有7折，所以就食下，大概30分钟左右就到，个apps话出餐果阵已经到咗门口😂叫左两人套餐，有半只鸭，两款配菜，拣左薯容同薯角。全部嘅卖相都一般，但味道唔错。薯容好香牛油味，口感烟韧唔太粉，仲好大兜。薯角冻左唔脆，重香料味，系苦苦地嘅。半只鸭，斩开四大件，用手食几过瘾，鸭味浓，胸部一旧少鞋一旧唔鞋，但无咩肉汁。两个人但都知会唔够食，叫多半只鸡，唔大只，鸡嘅香料味多啲，肉都系少鞋少肉汁，不过好似西方嘅烧鸡鸭都系咁？做鸡黎讲都系祖国有办法😂仲叫左法式蛋批，好香不过都好济，有芝士，忌廉，洋葱，几好食。最后甜品系朱古力批，好浓朱古力味，够湿润，系大旧嘅布朗尼蛋糕咁，当然都系好济😂两个人最后叫左齐头300蚊，外卖黎讲价钱合理，质素都中上，可以一试。