影片
更多
2015-01-25
2212 浏览
几个月前，同朋友嚟过「醉串」，试咗多款串烧，如：串烧五花腩、烧鸡软骨、烧羊架 、烧牛舌、烧鳝串、烧牛油粟米……等等，三几个老友吃吃喝喝，谈谈饮食，「醉」紧要啱玩 。今次再访，喺因为见佢推出咗个热辣辣嘅火锅，唔使主食净得串烧一瓣，让人贪心啲，得吋进呎，又串烧，又火锅 。环境唔讲太多，上次食评都有分享，总之一室摩登简约，白枱白櫈白砖墙，予人光洁企理。高脚枱櫈，方便把酒谈心，其他枱椅，方便用餐。虽然餐厅内放咗唔少日本吟酿、韩国真露，可惜小弟一向唔好酒，所以，只有斋睇。上次提及过嘅晌Facebook或Instagram，赞吓好，打吓卡，就有一客免费小吃，依个推广原来仲生效，有著数当然唔好嘥啦 。 乳酸梳打 $98（1L） 上次试过款巨峰梳打，觉得几好，所以，今次轮到个乳酸梳打，冰凉酸甜，OK㖞，边食串烧边饮，有种去油腻嘅感觉。此外，点菜纸仲列咗几款新嘢饮，甚么彩虹荔枝梳打、青柠梳打、椰青珍珠冰，都几有新鲜感。上次嚟都未有好正式嘅餐牌，都喺靠啲简简陋陋嘅点菜式，然而，今次就见到有印刷好精美嘅餐牌，图文并茂。 日式柚子冻蕃茄 $22 先以啲冷盘小食开开胃，日式柚子冻蕃茄喺翻兜上次
环境唔讲太多，上次食评都有分享，总之一室摩登简约，白枱白櫈白砖墙，予人光洁企理。高脚枱櫈，方便把酒谈心，其他枱椅，方便用餐。
虽然餐厅内放咗唔少日本吟酿、韩国真露，可惜小弟一向唔好酒，所以，只有斋睇。
上次提及过嘅晌Facebook或Instagram，赞吓好，打吓卡，就有一客免费小吃，依个推广原来仲生效，有著数当然唔好嘥啦 。
乳酸梳打 $98（1L） 上次试过款巨峰梳打，觉得几好，所以，今次轮到个乳酸梳打，冰凉酸甜，OK㖞，边食串烧边饮，有种去油腻嘅感觉。此外，点菜纸仲列咗几款新嘢饮，甚么彩虹荔枝梳打、青柠梳打、椰青珍珠冰，都几有新鲜感。
乳酸梳打
$98
22 浏览
0 赞好
0 留言
日式柚子冻蕃茄 $22 先以啲冷盘小食开开胃，日式柚子冻蕃茄喺翻兜上次嘅选择，蕃茄薄切，配以柚子胡麻汁，糁些少芝麻，清爽酸香，果然颇醒胃。
日式柚子冻蕃茄
$22
20 浏览
0 赞好
0 留言
相当滑溜嘅豆腐果然无点错，淋上芝麻酱，加啲木鱼丝，豆腐入口清香嫩滑，芝麻酱浓郁，值得试试。
麻酱冷豆腐
$18
27 浏览
0 赞好
0 留言
无想过串烧店有如此精致嘅小食，小小木盒盛载住丁方一粒粒嘅𩽾𩾌鱼肝，喺店家近日推介嘅新菜式。粉嫩嘅鱼肝，虽未至于好似鹅肝咁入口即溶，但质感绵密，油润软滑，又无咩腥味，真喺唔错。
𩽾𩾌鱼肝
$58
11 浏览
0 赞好
0 留言
喺咪咁好食呀？转个头返嚟就无咗串有机甜蕃薯及烧猪大肠！烟肉嘅油脂渗入多汁嘅荔枝肉内，清甜中有份油香，整体又唔会太油腻，喺近年常见嘅串烧组合；甜蕃薯骄小得意，一串4粒，口感粉绵甜蜜；而猪大肠确喺非常之肥，但外皮几脆，又有嚼劲，极富油香，可是一口都喺罪恶满盈，浅尝一粒够皮嘞，所以，希望店方改改，唔好两串起。
烟肉荔枝串、烧日本有机甜蕃薯、烧猪大肠
38 浏览
0 赞好
0 留言
烧鸡肾唔会有多大特别，只喺友人嘅喜好，所以，点嚟过过口瘾。
烧鸡肾
$16
24 浏览
0 赞好
0 留言
最钟意佢将只鸡翼拆开嚟烧，做成单骨样，方便易食，而鸡中翼烧得颇香脆，皮脆肉嫩。
烧鸡中翼
$18
23 浏览
0 赞好
0 留言
虽然制法简单，但好味就得喇，金菇充满蒜蓉及牛油香味，只要唔手紧落多少少蒜蓉、牛油，都难做得唔好食，而且，以烧焗方式做，无咁「热气」呢！
蒜蓉牛油焗金菇
$48
36 浏览
0 赞好
0 留言
上次因为新张优惠价试咗个日式波士顿龙虾芝士火锅，天寒地冻，食个火锅就仲正，正正店家推出紧个寿喜烧，有梅花豚肉寿喜烧（$168）及极品海鲜锅（$228），两款都可以配长金泡菜或北国酱油汤或。
哗哗哗！睇个卖相已经好期待喇，一锅放满虎虾、带子、生蚝、八爪鱼，不愧称为「极品」，甚有睇头，以及多种野菜，如金菇、冬菇、豆腐、小棠菜、娃娃菜……等等，丰富至极 ；我哋选上北国酱油，汤头清清甜甜，因为啲海鲜用料不赖，鲜味尽出，尤其虎虾、带子，新鲜爽甜。汤底唔好嘥，追加客冷乌冬（$22）垫垫肚，最好不过。
寿喜烧极品海鲜锅
$228
41 浏览
0 赞好
0 留言
简单棉花糖夹饼作结，只喺满足一下嗜甜嘅心灵，疑似半溶嘅棉花糖，配香脆嘅梳打饼，令我想起细个时嘅麦芽糖夹饼，脆香与甜蜜嘅结合。
棉花糖夹饼
$16
22 浏览
0 赞好
0 留言
张贴
