江南瀨粉 (福榮街) (已結業)

今日去咗呢度食dinner，呢间舖头出名系食即制嘅濑粉。我未食过新鲜嘅濑粉，就系畀呢样嘢吸引咗就入去食。叫佐一杯豆浆嚟饮，觉得好甜，有冇乜豆味，唔好饮。喺度食濑粉，就好似叫车仔面咁样，逐个逐个𩠌加，加下、加下，都唔平。我叫咗呢个「清汤鲜制濑粉」$24 + 鱼蛋$6 + 墨丸 $6 + 豆卜 $5。老老实实，鱼蛋、墨丸嘅味道，真系好普通，一食就知道绝对系出面厂房交嚟嘅货，系周街都食到嘅味，仲要系唔好味。个汤底讲到出神入化嘅猪骨汤底，但系饮落去都系冇乜特别，而且味道都几咸。呢度嘅濑粉话系即制，个质地都几滑溜，但系除咗话滑溜溜之外，就唔觉有乜嘢出色嘅地方，我觉得有啲过淋。