麻辣派 (已搬遷) 新店位置

今日谂住出旺角买圣诞礼物，就谂起呢间麻辣派即刻打去book位，响左四五下就有人听要9:00后先有位。行完街8:45左右，走去睇下有无得提早坐低。点知有位即刻坐低喇！基本上得两个套餐拣，系$268同$328。我同老婆两个人去食就谂住叫个$268试下先。食落其实真系好一般，所有海鲜都唔系好新鲜由其系虾同青口，如果一定要拣个蟹算系最可以。每人有一罐饮品（无啤酒真系差啲）等个锅嚟嘅时候可以出去攞每人十串嘢（大部份都系丸）。最后其实食剩好多嘢（类似薯粉，薯条，蚬同芽菜）最后有个四川冰粉送，都算几好食，食完个口真系无晒辣味。不过可以讲食完今次无下次了。