ZERO (已結業)

夜晚系朗豪坊睇完戏，周围揾食医肚饿，就试一试呢间西菜，呃，只可以讲呢个价钱会有其他更好的选择。叫左个意粉、自选pizza、同最抢眼嘅小食拼盘摩天轮。摩天轮的确是好吸睛过瘾，即刻影张相打卡 <3 有方包、肉丸、炸薯丸、鸡翼、炸虾等等几款小食配4款酱汁。外观100分，但食落居然都是又干又硬，食完都唔知食左啲乜嘢，好失望另外两样意粉同pizza都是好普通好普通。两个人埋单都唔平，呢个价钱真是有保留。结论是，应该唔会再食第二次。若果只想影相呃Like的话，可以一试。