泰風SO

营业中

休息中

经常都帮衬呢间铺头嘅泰式甜品，今日就第一次买饭嚟试下。$35一盒泰式肉碎饭（唔系太肯定个菜式名，但系大致上系咁上下）份量方面就冇得挑剔，＄35有一大盒满满嘅饭，一定可以医饱肚但系喺味道方面就普通咗d。米稍为偏硬左少少，煎蛋亦都只系一只普通嘅煎蛋，唔好期望有流心嘅效果；肉碎嘅份量唔算十分足够，未够捞饭捞到底而炒肉碎里面仲有d豆角碎同埋一d辣椒碎，辣椒碎辣嘅程度比我想像中高出好多，食到我流汗又流鼻水。食完盒饭之后我嘅感想就系得个辣字，发现唔到呢盒饭其他嘅美味，有d可惜。