馬丁王越式法包 (已結業)

去完越南冇几耐就好挂住越南既法包。街边一档档车仔一落order d婆婆就即刻整，个底酱好香d料又新鲜，块包又会系炭炉焗到脆卜卜，就算摊冻咗都一样咁好食。其实我都明系香港要揾到百分百正宗，食番越南既味道系好难，但口痕又未食过依间，系开附近佢又声称正宗咪试下。个size 系大既，一条长法包分开一半都够两个(细食既)女仔share, 都唔洗等好耐就有。第一次食谂住保守d嗌就咁越南口味啦，食完得一个字: 酸， 两个字: 好酸，因为入面加咗大量酸既红萝卜丝。正宗越南口味唔系冇，但唔会加咁多有半份料都系酸萝卜丝。个底酱唔香可以讲薄到近乎冇，肉就得好少同埋系肥猪肉。咩味都食唔到剩系得个酸字 lol.老实讲同区另一间老字号 (后来特登去食个间，为既系想洗甩依间咁难食既味道) 差唔多价钱但真材实料好多。虽然个间系远d, 但行多十几分钟都好过哂钱食唔好食既野。