Paul Lafayet (已結業)

又来甜品餐。Blueberry Cheese Cake正㖞。芝士味足够，算浓，重点系我喜欢佢个质感，好柔滑细腻，唔系好似罗拔臣啫喱𠮶种死实实识弹吓弹吓㖞（cova既Blueberry Cheese Cake就系咁样死实实所以唔好食），食咗一小口，芝士很快便在口中溶化，加上薄薄一层消化饼底，整体佳。Tiramisu劣。芝士层系好滑啊，不过无味；而且在湿湿既蛋糕中（疑似浸过酒）完全食唔出酒味。真系好奇咁湿既蛋糕无味，系浸过咩呢？唔通系水？唉，零酒味都算啦，整杯Tiramisu竟然连最基本既咖啡味亦欠，完全唔知自己食紧咩。Cremoso Craquelin绿茶味既cake，但绿茶味淡薄，同Tong Wong既Green Tea Opera无得比，输几条街。Lemon Meringue Tart一般。lemon curtard filling甜了点。creme brulee最精彩。食过好多间，都系钟情Paul Lafayet既。面层焦糖用火枪烧很好靓，薄而脆，用叉拮几吓，焦糖带著热力溶化在充满云尼拿籽既香滑冷炖蛋中，冷热交错一啖食落肚真系一种享受。埋单计数，得两款食得过。