一生懸麵

营业中

休息中

德宝商场嘅食店越开越多,依家连拉面店都有,依间店里面嘅座位唔多,只有十几个位,好彩早一步到,坐低唔够10分钟之后已经有好几个人系等紧位。除左拉面之外依到仲有沾面,男朋友叫左碗白汤豚骨拉面而我就拣碗浓香樱虾沾面。白汤豚骨拉面嘅面条比较幼,软硬度亦适中,汤底亦非常之浓,有少少黏口嘅感觉。溏心蛋嘅流心效果吾错,叉烧亦够淋。沾面嘅面质可以选择硬度,因为我唔钟意食淋嘅拉面,所以我就拣左较硬嘅面,上枱后见到沾面嘅樱花虾汤底充满着樱花虾,但相反沾面嘅汤底比白豚骨拉面嘅汤底更加稀,挂面效果唔太理想,但樱花虾嘅香味依然突出。面条带有少少烟韧口感,整体黎讲如果汤底再杰一D就好啦。饺子味道一般并无特别,但系幸好唔会煎得太油。