公子茶座 (已結業)

九龙湾系其中一个成日蒲嘅地方，呢度开咩新餐厅都唔会错过，之前系IG见到有间茶室竟然有cold brew，今日即刻去咗呢间得宝楼下嘅公子茶室食午餐！装修主要走怀旧路线，无论座位、墙上面嘅风扇、灯饰都系以前茶室style，枱同枱之间嘅位置超多，好宽敞舒适！招牌生煎肉饼饭（$58）舖头招牌之一，肉饼煎到外面焦香，淋上秘制香葱豉油，有香甜豉油捞饭，旁边仲有靓菜心，感觉比较平衡同健康！自家XO酱猪扒煎蛋饭（$58）大块厚身嘅猪扒配上自家制XO酱同太阳蛋，XO酱油份十足，香辣又惹味！香脆奶油猪（跟餐加$16）茶餐厅必备小食，烤到超香脆又松软，加上牛油同炼奶，味道香甜，如果叫是日午餐加$16就有得食，几抵！Cold Brew（跟餐加$7）用上精致六角形玻璃杯装嘅cold brew果然唔错，香浓，有heart！椰汁红豆𣲙（跟餐加$10）普通红豆冰系配淡奶，呢度就用咗椰汁雪花刨冰，淡淡嘅椰汁配甜滑红豆！见到呢度嘅早餐同下午茶都几特别同抵食，下次要再约朋友食！