八王子居酒屋 (已結業)

約左個老死新年前食個晏，佢最鐘意日本野，所以搵左間特別既懷舊日本料理食。不過可能因為我地接近 80 後，好似好多野都唔關我地事，無咩回憶，但會播卡通歌幾得意。環境舒適，伙記反應夠快，如果你鐘意食環境呢度一定合格。雖然係中午但我地都叫左唔少野食，感覺中規中矩。壽司：吞拿魚劍魚腩, 油甘魚　甜蝦　三文魚，新鮮好食。串燒：鳥串物拚盤，雞翼絕對係水準之上，荔枝煙肉卷，清甜加上煙肉，意外又幾夾，好食。牛舌亦是水準之作，配啤酒最適合。燒廣島蠔：$30 一隻，我選擇咗香草牛油，超香牛油味，露筍鵝肝炒飯：鵝肝原塊上，打散混入飯中食，一流！不過露筍不夠多，算是少少遺憾。