美心西餅 (佐敦站)

营业中

休息中

平日多数自己带饭， 好少出街买嘢食，但生活中总有啲时候赶到要食包， 今日晏昼由红磡出发去屯门， 时间紧迫，就同几个朋友喺屯门站面包舖度买面包做午餐， 入到美心西饼谂住是但买个包，点知见到一个几特别嘅新品... 肉松面包糯米糍！其实望落果样同普通肉松包冇分别， 心谂可能系伏， 但见其他包款已经食过十万九千次唔想再翻兜， 就把心一横伏都要试！估唔到又几有惊喜㖞， 面包表面铺上了唔少肉松， 一咬落里里面有一大嚿糯米糍， 虽然系面团一旧， 但甜甜地咁， 几软熟， 面包里面有啲烟靭靭嘅糯米糍感觉好新鲜有趣， 其实面团冇咩特别味道，所以同肉松都几夹， 不过九蚊就嫌贵咗啲， 想试新品嘅朋友都不妨一试嘅。