Little Vegas

营业中

休息中

百乐中心等lift上到25楼，人都唔少，入到去见到装修都几特别，连枱面都系马赛克。每人最低消费系一杯饮品，就叫左秘密花园水果茶（$68）同命运花茶（$48）。水果茶极大杯，两个人饮都够，朋友见到都吓亲，相对比较甜；命运花茶就系普通热嘅花茶，都几香。因为事前食左下午茶，无叫太多野食，就叫左海洋生物沙律（$114）同秘制酱汁焗猪肋骨（半份，$118）。海洋生物沙律份量唔算好多，但虾同鱿鱼都新鲜好好食。而秘制酱汁焗猪肋骨肉质软腍，食食下都忍唔住用手攞住食（记住消毒先呀大家），酱汁酸甜开胃，薯角有部份被压住，但都几脆，非常惹味。