泰國人海南雞 (已搬遷) 新店位置

嚟紧返大陆🇨🇳玩，去咗深水埗鸭寮街买电话卡，就顺便食埋个晚饭。之前喺旺角都见过呢间泰国餐厅，所以我同朋友就入咗呢间深水埗分店食。拣咗个二人套餐A $188 ,谂住唔使烦咩都有得食。上咗个冬阴公汤🍲先，都几大碗，夹埋我同朋友都每人饮到两碗，个汤酸酸辣辣，对于我唔系咁食得辣嘅我觉得有啲辣，但个感觉好爽，入边有虾同菇都几足料。泰式海南鸡🐔🐔，鸡肉又几滑，重点系无骨，啱晒我呢啲懒人，一啖可以食落肚。咖喱牛腩🍲就有点失望，牛腩偏un，咖喱汁都系好一般，只有少许辣味，薯仔就好大旧，但系都系一般。春卷拼鱼饼更加失望😧，食落一口都系油，味道都唔系好突出，小食真系好麻麻。两个人加一，埋单＄200 ,价钱唔系贵，但系只有海南鸡值得推荐，其他真系好一般。