影片
更多
2018-07-15
3491 浏览
星期六最啱跟朋友约埋一齐饮下茶食个包。见帜哥系葵兴开左间新酒楼咁就脚，就同朋友过黎食返一盅两件再去打机。酒楼啱啱开左无耐，装修好新净。加上时间都早所以未有太多人帮衬住，好多位俾我地拣。先黎点左个黑金流沙包，外表十分型格，黑色嘅包面抺上一道金色，再加上佢皮薄而流沙程度十足。入面嘅咸蛋黄味好浓油分又充足。真系唔错。鹌鹑蛋烧卖，依家唔系好多地方有得食了，难得见到梗系要柯打返笼啦，成个烧卖都好饱满多汁。食得出系以新鲜猪肉做成，再配上大大粒鹌鹑蛋都真系几滋味。芝麻肠粉。同平时食嘅有少少唔同，呢度嘅比较烟韧同香滑，再配上甜酱／花生酱食都几好。萝卜酥。做得好松化同够薄，馅料香甜惹味。入面嘅萝卜丝炒得够干身，所以个酥皮唔会俾多余嘅萝卜水分搞到化开晒。水晶饺／菜肉包／牛栢叶都唔错，鸡扎就唔算突出，但块腐皮及里面嘅猪皮就好入味，吸晒鸡肉火腿嘅味道。食物系唔错，但姐姐们嘅服务态度就可圈可点了，我地两个茶壶及水壶吉左都要等三／四个字先斟满返，但我地其实坐系水吧附近。可能佢地忙中有甩漏啦。以新开黎讲食物质素及环境都几好，因为葵兴附近真系无咩新鲜野,自从KCC开左之后带旺左呢区嘅人流。葵兴人之后消闲时唔使走过葵方
先黎点左个黑金流沙包，外表十分型格，黑色嘅包面抺上一道金色，再加上佢皮薄而流沙程度十足。入面嘅咸蛋黄味好浓油分又充足。真系唔错。
鹌鹑蛋烧卖，依家唔系好多地方有得食了，难得见到梗系要柯打返笼啦，成个烧卖都好饱满多汁。食得出系以新鲜猪肉做成，再配上大大粒鹌鹑蛋都真系几滋味。
芝麻肠粉。同平时食嘅有少少唔同，呢度嘅比较烟韧同香滑，再配上甜酱／花生酱食都几好。
萝卜酥。做得好松化同够薄，馅料香甜惹味。入面嘅萝卜丝炒得够干身，所以个酥皮唔会俾多余嘅萝卜水分搞到化开晒。
水晶饺／菜肉包／牛栢叶都唔错，鸡扎就唔算突出，但块腐皮及里面嘅猪皮就好入味，吸晒鸡肉火腿嘅味道。食物系唔错，但姐姐们嘅服务态度就可圈可点了，我地两个茶壶及水壶吉左都要等三／四个字先斟满返，但我地其实坐系水吧附近。可能佢地忙中有甩漏啦。以新开黎讲食物质素及环境都几好，因为葵兴附近真系无咩新鲜野,自从KCC开左之后带旺左呢区嘅人流。葵兴人之后消闲时唔使走过葵方了
张贴
