功德林上海素食 (世貿中心) (已結業)

松茸炖愉耳   $88由于呢排少饮汤嘅关系，同老公一人点左一碗从松茸炖愉耳，每一啖汤都好香甜，有从松茸味，好滋润。上海烤夫   $88前菜点左个上海烤夫，质感有啲似海绵豆腐，酱汁甜甜地，仲有冬菇、爽口云耳、毛豆做配料，一旧接一旧，食唔停口。酥炸三丝鸡卷  $98跟住重点咗个酥炸三丝鸡卷，开头以为外面好似春卷咁脆，但系原来系软身。入面包左甘笋丝、芹菜丝、冬菇，热辣辣上枱，加埋甜酸酱，好醒胃。高力豆沙    $68甜品点左高力豆沙，师傅手工好，每一粒都炸到金黄色，而且大小均匀，洒上糖霜，松软嘅外层，加上入边软稔嘅豆沙馅，好怀念细个嘅味道。豆腐花配桂花蜜      $58新出品嘅木桶豆腐花，自家制作，木桶装住。每一啖都好有豆味，加上糖浆唔系用传统嘅糖水，而系改咗用桂花糖浆，所以特别香甜，唔会盖过左豆腐花嘅味道。