影片
更多
2019-08-15
1044 浏览
见好耐无食Tea又有半日假期，就揾咗匿间开业无耐既酒店食返个下午茶。讲地点佢又唔系好方便，湾仔地铁仲要行一段路。入到酒店上二楼，的确楼底好高吓。但坐位嚟讲刚刚酒店位置系有d西斜，所以大部分坐位都会晒到太阳，除非坐近门口。好啦，讲完地点坐位，讲返食物。一坐底就已经见到佢有四款唔同既果酱放咗响枱到。跟住就等佢serve茶，佢有好几款不同既茶，西茶，唐茶同台湾茶都有。然后佢就会慢慢一张一张枱送食物过嚟。好似酒楼咁推架车仔介绍你有咩食，一架咸点车，一架甜点车。佢会比咸点车你拣完先，等你食完再拣甜点。总供8件，可以拣各4件或只拣咸或拣甜都得。佢个menu只有茶可以拣，但其实咖啡都可以架。叫咗台湾茶同咖啡。每款咸甜点不多说，大家可以睇个menu。我只讲我觉得味道如何。可能因为系有得拣关系，食物要早一点准备好，所以觉得已放一段时间，图中一个系手指饼同Parma包住，个手指饼已经唔脆，不然会好食d。上完咸点，佢先再上松饼。如之前其他的食评松饼的确唔错，但只是微温，热少少应该仲好食。到甜点，因为我地三个人，咸点无全选，所以甜点可以全部试晒。最出色系荔枝，菠萝两款，车哩子开心果都ok。整体服务及食物都唔系
讲地点佢又唔系好方便，湾仔地铁仲要行一段路。入到酒店上二楼，的确楼底好高吓。但坐位嚟讲刚刚酒店位置系有d西斜，所以大部分坐位都会晒到太阳，除非坐近门口。
好啦，讲完地点坐位，讲返食物。一坐底就已经见到佢有四款唔同既果酱放咗响枱到。跟住就等佢serve茶，佢有好几款不同既茶，西茶，唐茶同台湾茶都有。然后佢就会慢慢一张一张枱送食物过嚟。好似酒楼咁推架车仔介绍你有咩食，一架咸点车，一架甜点车。佢会比咸点车你拣完先，等你食完再拣甜点。总供8件，可以拣各4件或只拣咸或拣甜都得。
佢个menu只有茶可以拣，但其实咖啡都可以架。叫咗台湾茶同咖啡。
每款咸甜点不多说，大家可以睇个menu。我只讲我觉得味道如何。可能因为系有得拣关系，食物要早一点准备好，所以觉得已放一段时间，图中一个系手指饼同Parma包住，个手指饼已经唔脆，不然会好食d。
上完咸点，佢先再上松饼。如之前其他的食评松饼的确唔错，但只是微温，热少少应该仲好食。
到甜点，因为我地三个人，咸点无全选，所以甜点可以全部试晒。
最出色系荔枝，菠萝两款，车哩子开心果都ok。
整体服务及食物都唔系话差，但又无咩特别出色，因为我地叫咗两个茶，佢地无主动加水，知道其中一个无水要加，都唔会主动睇吓另一个要唔要加水。匿个价钱，其实可以做好d。
张贴
